امشي وهمي جبل يمشي معي وين أروح
ازريت اشيل الجبل وازريـت لا أفارقـه
كل الخطاوي تعب كـل الليالـي جـروح
ارضي هجير وسمايـه شمسهـا حارقـة
خايف يطول السكوت المر وأخاف أبـوح
ما ودي أشكي وروحي بالحـزن غارقـة
ما غير روح التحدي في عروقـي تلـوح
قوة صمودي على جور الزمـن خارقـة
رغم امتداد التعب عيّا يمـوت الطمـوح
نور الأمـل مـا يـزال بناظـري بارقـه
هذا وأنـا عزتـي دايـم قبالـي تلـوح
لين أصبحت في حياتـي ميـزةٍ فارقـة
أرفض شعور الندم وأرفض طمان السفوح
لو شفت فيه الحياة غصونها وارقـة !!
ما دام فيني نفس يذري وفينـي جمـوح
باب وراه اعتزازي؛ طارقـه . . طارقـه
عزيمتي . . ما يحطمها الزمان الشحوح
والشمس بكره رغم أنف الدجـى شارقـة
كلمات الشاعر: مساعد الرشيدي
منقووووووووووووووووووووووووووووول